Gin-anunsyo ni Vice President Sara Duterte nga magapadaeagan imaw bilang Presidente it Pilipinas sa maabot nga eleksyon.
Ro anunsyo hay ginpaguwa sa tunga it mga kontrobersiya, kaibahan ro tatlong impeachment complaints nga ginpasaka kontra kana sa House of Representatives, nga kontrolado it mga kaalyado ni Pangueong Ferdinand Marcos Jr.
Ko kan-o eamang, ginlunsar sa Cebu ro “Tatay Digong for Inday Sara Movement 2028”, nga tuyong ipakita ro suporta sa anang kandidatura ag pagkilaea sa pagdumaea it anang ama nga si dating Pangueong Rodrigo Duterte.
Sa pihak it mga hangkat, nagapabilin nga mataas ro pangaean ni Duterte sa mga survey bilang sambilog sa mga frontrunners para sa eleksyon.
Ro anang kandidatura hay ginaeauman nga magadaea it hugot nga engkwentro sa politika, kapin eon sa tunga it mga kasong ginapangatubang it anang ama sa International Criminal Court (ICC).
