Ginkondenar ni Vice President Sara Duterte ro pagsirbi it warrant of arrest kahapon it kapulisan it PRO 11 sa 30-hectares nga compound ni Pastor Apollo Quiboloy.
Sa anang pahayag, ginhambae it bise presidente nga uwa sigon imaw gabaeabag sa maski ano man nga warrant of arrest it gobyerno, ro indi na eamang sigon nana mabaton hay it kapintrasan ag pwersa it kapulisan sa mga miyembro ag deboto it Kingdom of Jesus Christ (KOJC).
Suno pa sa pangayawang pangueo, raya hay nagapakita sigon it pagtunto o pagtraidor sa sariling n asyon ag pagkapilipino.
Kwinestyon pa ni Duterte kung ro pagpatuman sigon it mismong warrant of arrest hay bangod ro akusado hay sangka tagasuporta it anda nga pamilya.
Sa mismong statement, nag pangayo man ro pangaywang pangueo it patawad sa mga miyembro it KOJC bangod sa pagpangayo ag pagpilit sigon kara kanda nga iboto ro anang 2022 elections running mate na si Pangueong Marcos Jr.
Suno kana nga ro mga Pilipino sigon hay nagakinahang ean it mas mayad nga lider.
Madomduman ro mismong operasyon kahapon sa KOJC compound hay nagresulta sa pagkamatay it sambilog ag pagkanina it pilang ka miyembro it KOJC.
