Kalibo Aklan ———–Kabilugan nga 129 nga miyembro it Aeta community sa Isla it Boracay ro nakabaton eon it unang dose it COVID-19 vaccine.
Ro mga Aetas hay naghalin sa Ati Village sa Sitio Lugutan, Barangay Manocmanoc, sa Boracay.
Kaibahan nanda nga nabakunahan ro tatlong madre nga naga-istar sa nasambit nga lugar.
Nasayuran nga sa kabilugan nga 136 nga target nga mabakunahan nga may edad 18-anyos pataas, 129 eang ro nabakunahan sa ginpatigayon nga sang adlaw nga vaccine rollout sa gintaeana nga daywang venue bilang kaparte sa gihapon it pagbueuligan it lokal nga gobyerno it Malay, Department of Health ag Department of Tourism agud nga maabot ro herd immunity sa Isla.
Nasayuran nga haeos 80 porsiyento eon it kapin sa 11,600 nga tourism workers sa Boracay ro nabakunahan samtang nagapadayun pa bakunahan sa mga residente sa Isla ag mainland Malay nga kaibahan sa priority groups eabi ag nagahilapit ro holiday season ag pagbukas it isla sa mga dumueuong nga turista pinaagi sa international travel bubble.
