KALIBO, Aklan — Gin pasakaan eon it Pandan Police Station it kasong pag eabag sa Anti-Cybercrime Law, Anti-Child Abuse Law ag Protection of Persons with Disabilities ro ap-at nga eaeaki nga napag-tripang sakiton ag i-bully ro sangka 16 anyos nga binatilyo nga children with special needs samtang naga inuman sa Pandan, Antique.
Ro mga suspek hay gina eakipan it tatlong estudyante ag sangka manugturo nga puros mga residente it nasambitang lugar.
Sa interview it Bombo Radyo Kalibo, gin kumpirma ni SPO1 Risa Janilarin nga ro biktima ag mga suspek ro sueod it viral video nga umani it magkaeain-eain nga reaksyon maghalin sa mga netizens ag hugot nga kinundina it Department of Social Welfare and Development (DSWD) Region 6.
Natabo sigon ro insidente ku buean it Abril sa sangka food court sa public plaza sa selebrasyon it kapistahan sa nasambitang lugar, apang, kumalat ro video makaron eamang nga buean it Nobyembre.
Makita sa video nga samtang naga kaon ro biktima, makapilang beses raya nga gin binayo, gin paeag ag gin hinibaygan it mga suspeks.
