KALIBO, Aklan — Uman nga nagpatigayun it aerial survey ro Department of Environment and Natural Resources (DENR), Department of Tourism at Department of Interior and Local Government (DILG) sa bilog nga isla it Boracay agud makatao it komprehensibong report sa pagahiwaton nga senate inquiry hin-aga nga paga pangunahan ni Environment Committee Chairman Cynthia Villar.
Paga estudyuhan it senado ro gina pangatubang nga kontrobersiya it isla eabi eon sa epekto it polusyon sa kaeawuran tuga it waste disposal.
Sa pihak nga parte, gin kumpirma ni SPO1 Nida Gregas, tagapaghambae it Aklan Police Provincial Office (APPO) nga nakaplastar eon ro andang major security event framework.
Raya matapos nga nag abot eon sa boracay ro pilang senador nga magiging kaparte it paga himuong imbestigasyon it Committee on Environment and Natural Resources kamana man it Tourism and Finance.
Gin pahayag dugang pa ni Gregas nga nakakalat eon ro andang advance deployment sa magkaeain-eain nga parte it isla sa pagpanguna it Metro Boracay Task Force ag Site Task Group Senate Committee Joint Public Hearing.
