-- ADVERTISEMENT --
KALIBO, Aklan — Naeowas it Kalibo Police Station ro limang biktima it human trafficking ag gin aresto ro gina-alegar nga bugaw nanda sa ginpatigayon nga entrapment operation sa sangka hotel sa banwa it Kalibo.
Suno kay Supt. Richard Mepania, hepe it Kalibo PNP nga haeos sang domingo eon nanda nga gina-surveillance ro suspek nga si Christopher Masagnay, 43, residente it Brgy. Andagao Kalibo nga ginagamit sigon ro mga biktima bilang sex workers it mga kliyenteng nakikipag-transaksyon kana.
Sambilog sa mga biktima hay natukiban nga menor de edad.
Gin-aku man it suspek ro anang nahimo nga kasae-anan, apang ginasugid nga ginhinyu eang kana nga asikasuhon ro mga biktima.
Ginkulong si Masagnay sa kasong qualified human trafficking.
-- ADVERTISEMENT --
