KALIBO, Aklan — Nagapadayon ro imbestigasyon it Ibajay Police Station kung human error ukon mechanical problem ro kabangdanan it aksidente nga ginkamatay it sangka 9 anyos nga ungang eaeaki matapos nga mabungguan it ambulansiya sa Barangay Poblacion, Ibajay, Aklan.
Patay eon kat maka-abot sa ospital ro biktimang si Kenneth delos Santos, residente it nasambitan nga lugar bangod sa gin-agum nga nina sa anang ueo ag iba pang parte it anang kaeawasan.
Sa interview it Bombo Radyo, ginpahayag ni PO1 Denmark Tiel, nabungguan ro unga nga naga pangdakop it isda sa drainage sa kilid it karsada kat gulpi nga umarangkada ro ambulansiya.
Maghalin sa guwa it saeakyan, ginpa-andar it driver nga si John Bautista, 67, it LGU-Ibajay ag residente it nasambitan nga banwa ro ambulansiya, apang gulpi raya nga nag-wild ag nagtabok sa pihak nga karsadakung siin nahamtang ro biktima.
Indi man mai-explikar it driver kung ano ro natabu bangod owa man it problema ro saeakyan kat daehon na raya sa motorpool apang gulpi nga nagwala it mabaskog ro makina kara.
