KALIBO, Aklan—Nakataeana nga magpatigayun it public hearing ro kada barangay sa banwa it Kalibo para matalakay ro pagpanaba it panueoktan sa pamasahe it mga nagabiyaheng tricycle.
Suno kay Kalibo Sangguniang Bayan member Matt Aaron Guzman, paga-imbitahan sa nasambit nga pagdungog ro nagkaeain-eain nga sektor sa barangay para maayos nga maplastar ro bag-ong taripa.
Dapat sigon nga makaangkon it boses ro mga ordinaryong commuter nga adlaw-adlaw nga nagasakay sa mga pampublikong transportaasyon.
Angot kara, ginkalipay man ni Guzman ro pagsuporta it Tricycle Operators and Driver’s Association (TODA) sa anang hinyu nga panabaan ro pamasahe matapos nga dugangan ro seating capacity.
Sa kamatuoran suno kana, may pilang tricycle driver eon ro nagkusa nga magpanaba it pamasahe maskin nga owa pa it nabilog nga panibag-ong taripa.
