KALIBO, Aklan—Sigidas makaron ro pagpatigayun it lokal checkpoint it mga kapulisan sa bilog nga probinsya it Aklan mag-eowas pa sa ginplastar nga Comelec checkpoint ag gun ban.
Suno kay PSSgt. Jane Vega, Public Information Officer it Aklan Police Provincial Office (APPO) nga ginasunod eamang it kada estasyon it pulisya ro mandato sa tagsa ka mga munisipalidad nga andang ginadumaeahan.
Ro pag-usoy sigon it vaccination card sa ginplastar nga lokal checkpoint it PNP hay depende sa nakabaehag sa ordinansa it lokal nga gobyerno.
Gin-insister pa kara nga ginasunod eamang it mga law enforcement unit ro mandato sa andang nasakupan rason nga hugut nga ginakinahang-ean ro kooperasyon it tanan.
Ginpasiguro man ni Vega nga mas pa nandang pasanyugon ro pagbantay agud nga masigurong eowas ro nagahilapit nga 2022 national and local elections.
