Nagakabaeaka ro Department of Health (DOH) sa posibleng pag-abo it mga kaso it dengue bangud sa sunod-sunod nga bagyong nag-abot sa nasyon sa ulihing quarter it 2024.
Rason nga nagpadumdom raya sa publiko nga limpyuhan ro mga lugar nga natitipuna it tubi ag padayon nga komunsulta it temprano kon may nabatyagan nga sintomas it dengue.
Partikular nga nagpanawagan ro ahensya sa mga rehiyong apektado it mga Bagyong Kristine, Leon, Marce, Nika, Ofel ag Pepito.
Sa mga lugar nga may nakatenggang tubi ro masaming ginapamugaran it mga eamok nga nagadaea it dengue virus.
Uman nga ginpadumdom it DOH nga ro dengue hay virus nga daea it eamok.
Paandam pa it ahensya nga may mga tawong nakakaangkon it malalang dengue nga kinahang-ean boengon sa ospital.
Maskin paano hay mabuhinan ro mga sintomas it dengue apang ginklaro nga uwa pa it bueong sa mismong sakit nga daea it virus.
Pinakamayad nga pamaagi agud malikawan ro dengue hay ro paglikaw sa pagsugod it eamok, kapin eon sa adlaw.
