KALIBO, Aklan—Madayun eon ro enrollment it mga estudyante sa mga pampublikong eskwelahan ย nga maga-umpisa sa Lunes, Hunyo 1.
Suno kay Dr. Rafy Paller, senior education program specialists in planning and research it Department of Education ย ukon DepEd-Aklan nga ย magatapos ro enrollment sa Hunyo 30.
Ro pagpa-enroll hay pwedeng pinaagi sa pagtawag sa telepono, mensahe sa text, facebook messenger ag email.
Pwede man suno kana nga ro manugturo ro maga contact sa mga ginikanan ย agud nga ipahisayod ro proseso ย it pagpalista ย para sa ย school year 2020-2021.
Paga-abisuhan man sanda kon hin-uno ro schedule it pag-agto sa eskwelahan.
Tuyo kara nga malikawan ro ย pagbuhos it mga ginikanan sa mga eskwelahan.
Ro mga may mahina ukon owa it internet connection, obligado ro mga ginikanan ukon guardian nga mag-fill up it pormas nga pwedeng mabo-oe sa andang mga barangay hall.
Sa Hunyo 15 suno kana hay personal nga igabalik sa barangay hall ย ro pormas ukon ย pagadaehon ro ย pormas sa eskwelahan mismo para ย sa pagpalista ag survey nga pagahimuon.
Magabukas suno kana ro klase sa Agosto 24.
Suno kay Dr. Paller nga indi pagagamiton it DepEd ro ย face-to-face learning sa pag-umpisa it klase.
Sa baylo hay magagamit ย it printed materials, online learning, TV ag radio learning.
Bangud nga mahina ro internet sa Aklan, posibleng pagagamiton sigon ro TV, radio ag modular instructions.
Ginpamilit pa kara nga owa gina-obliga it deped ro mga ginikanan nga magbakae it gadgets kundi nga sanda ro maga-usoy it mga pamaagi sa pagdeliver it pagtinueun-an.
Igapaidaeum sigon sa training ro mga manugturo agud nga maging bihasa sa ginaduso nga blended learning.
