KALIBO,Aklan– Ginaabangan eon ro nakataeana nga FIFA Women’s World Cup nga iga-host it nasyon it New Zealand ag Australia nga igapatigayon halin sa Hulyo 20 hasta it Agosto 20, 2023.
Raya ro una ag makasaysayang appearance it Filipinas sa Women’s World Cup matapos nga ma-qualified ag nakaabot sa semifinals it AFC Women’s Asian Cup 2022 ko buean it Pebrero.
Suno kay Bombo International Correspondent Denmark Suede it Sydney, Australia nga magiging interesting ro nasambit nga hampang bangud nga kaibahan it Philippine women’s football team ro mga mabug-at nga koponan it nasyong New Zealand, Norway ag Switzerland.
Mag-eowas kara, baeantayan man ro mga stratehiya nga pagahimuon it koponan sa idaeom ni Coach Alen Stajcic, sangka Australian coach nga nauna eon nga nadaea ro Australian women’s team it daywang beses sa World Cup.
Antes kara, may friendly games ro Filipinas kontra sa Sweden sa Hulyo 17 sa Wellington, New Zealand nga magiging sukatan it andang kahauman bago ro pagsabak sa FIFA Womens World Cup.
Raya ro ulihing training match it koponan antes ro makasaysayang paghampang nanda sa World Cup sa Hulyo 21 nga unang makaengkwentro ro Switzerland.
