KALIBO, Aklan—Sa pihak it ginapangatubang nga pandemic tuga it COVID-19, importante nga makapadayun sa andang pagtuon ro mga inunga.
Apang kinahangean nga protektado ro mga raya.
Suno kay Francha Andrade, sangka board exam passer nga pamaagi sa online learning hay magamit ro teknolohiya para makangkon it koneksyon ro daywang ka tawo agud maipasa ro leksyon ag ka-aeaman.
Epektibo man sigon ro online learning kung sa siin may unang 50 hasta 60 porsyento nga matun-an ro sangka estudyante.
Pamaagi man sa “zoom app” hay pwedeng balik-balikan ro leksyon , eumaktaw ag umabante sa ibang konsepto nakadepende sa ikasarang it sangka unga.
May distance ukon remote learning kung siin magapabilin eamang sa andang panimaeay ro mga estudyante agud estudyuhan ro mga learning modules nga igapadaea kanda it manugturo gamit ro teknolohiya kapareho it email, viber, telegram, ag FB messenger.
May kaangtanan kara, pwede man sigon nga mag-adopt sa ginatawag nga “blended learning” kung sa siin magapamantaw ro mga estudyante it online lecture, magabasa it mga asignatura, ag magvideo chat.
