Pormal eon nga nagpanumpa si Kalookan Bishop Pablo Virgilio “Ambo” David bilang ika-10 Pilipinong cardinal it Simbahang Katolika.
Ginpangunahan ni Pope Francis ro Vatican ceremony sa Ordinary Public Consistory agud pormal imaw nga maging eubus nga cardinal it Catholic Church.
Kaibahan ro presenteng mga Filipino cardinal nga sanday Jose Advincula it Maynila ag Luis Antonio Tagle.
Sa seremonya, gintaw-an si David it cardinal ring, sangka tube nga may sueod nga mga dokumentong nagapahayag it anang bag-ong obligasyon bilang kardinal, ag sangka puea nga biretta.
Imaw hay igataeana sa sangka titular church sa Rome.
Sa homily, ginpadumdom it santo papa ro 21 bag-ong cardinals nga inde magaoy sa andang misyon ag sa pagsunod sa landas ni Hesus bilang “builders of communion and unity.”
Ro mga bag-ong cardinal hay naghalin sa Argentina, Brazil, Chile, Peru, Italy, Britain, Serbia, Japan, Indonesia, Canada, Ivory Coast, Pilipinas, ag Algeria.// si David hay presenteng presidente it Catholic Bishops’ Conference of the Philippines.
