Kapin sa tatlong aktibong kaso it covid-19 ro ginamonitor makaron it Rural Health Unit it Kalibo.
Suno sa tagapaghambae it RHU Kalibo nga si Marshelle Mary Grace Manalo, ro nasambit nga mga indibidwal hay naghalin sa barangay it Andagao, Nalook ag Tigayon.
Ro daywa sa mga raya hay nakataeana kunta nga operahan sa andang mga masakit nga ginabatyag apang nadiskubrehan sa antigen test nga positibo sanda sa virus ko Mayo 11 rason nga insigidang ginpaidaeom sa quarantine.
Samtang, ro sangka seafarer nga nag-abot sa banwa hay natukiban man nga positibo sa virus ko Mayo 5 kon siin nakaangkon raya it flu-like symptoms rason nga gilayon man nga nag-isolate sa anang kaugalingon.
Angot kara, nag-apela si Manalo sa publiko nga maghaeong gihapon bangud nga una gihapon ro pandemya.
Magsunod sa ginapatuman nga health protocols ag inde eon pag ipaiway ro mga tanyag nga covid-19 vaccination it gobyerno.
