KALIBO, Aklan–Maabu nga mga motorista ro na-stranded matapos nga nakaexperiensiya it mga pagbaha ro pilang lugar sa Balete, Banga ag pilang portion it Malinao matapos ro mabaskog nga buhos it uean nga nag-umpisa pasado alas-12 kaina it aga-aga.
Suno kay Marol Cual it banwa it Balete nga ginsueod it tubi-baha ro pilang kabaeayan ag maskin ro merkado publiko it banwa kasunod it pag-eapaw it hae-o river.
Haeos mga mabahoe nga saeakyan eamang ro sarang nga naka-agi sa national highway sa may crossing morales ag barangay poblacion bangud sa hasta sa hawak nga tubi-baha.
Nakibot sigon sanda pagbugtaw bandang alas-6 kaina it agahon nga may baha eon nga madasig ro pagtaas.
Samtang, pilang oras man nga naghueat ro mga motorista antes nga uman nga nakabiyahe matapos nga maghubas ro baha ag maghueaw ro uean.
Mag-eowas sa Balete , nakaexperiensiya man it mga pag baha sa banwa it Malinao ag Banga eabi eon sa barangay Torralba .//
