NATIONAL News — Naga-abot sa 12, 186 nga mga indibidwal ro nag-apply para magpaidaeom sa paeaabuton nga bar examinations makaron nga Setyembre, base sa pahayag it Supreme Court.
Ginsambit it SC nga ro nasambit nga numero it applicants hay nagbayad it examination fee antes ko April 5 nga deadline, samtang ro 60 nga iba pa hay owa nagpadayon sa proseso.
Suno sa SC, sa lista it mga applicants, may una nga unconditionally approved, conditionally approved, ag may una man nga denied applicants, kun sa siin raya hay igapaguwa it per batch.
“All applicants are advised to regularly check their respective Bar Applicant Registration Information System and Tech Assistance accounts to know the status of their application,” nakabaehag sa notice it Korte Suprema.
Sa makaron, gina-finalize pa it SC ro listahan it local testing centers.
Ro bar exams makaron nga 2024 hay ginapangunahan ni Associate Justice Mario Lopez ag igapatuman sa September 8, 11, ag 15.
