NEWS Analysis– Ginpatigayon kahapon ro ikaywang State of the Nation Address (SONA) ni Pangueong Ferdinand ‘Bongbong’ Marcos, Jr.
Sa ginaeauman, ginplastar ro mga manami nga hinimuan ag paga-obrahon pa it administrasyong Marcos.
Gusto man kunta it kaabuan nga mabulgar maskin ro mga kapalpakang natabu sa sueod it sang dag-on.
Bukon it agud nga batikuson ro gobyerno kundi para mapaguwa ro kamatuoran.
Gusto kunta naton nga maiba ro SONA mula sa mga nagtaliwan nga medyu puro pambobola ag pagpa-pogi eang ro sueod.
Kun may mga ginpromisa ko nagtaliwan nga SONA nga owa natuman ukon kabaliktaran pa ro natabu, dapat eang siguro nga masayuran it publiko.
Madumduman nga sa unang SONA it Punong Ehekutibo, ginpromisa nana ro food security, pagsabat sa mga isyu sa pabaeay, agrikultura, imprastraktura, turismo, edukasyon ag iba pa.
Nasayuran naton nga imposibleng maresolba ro tanan nga problema it nasyon ukon gulping naga-asenso sa sueod it sang dag-on, apang bukon man siguro it sobra-sobra kon maghandum it mayad nga pagbag-o ag pagsueong maskin paalin.
Owa kita nagasalig nga magasirit ro presyo it mga baeak-eon ukon sukot sa serbisyo, apang ham-an nga owa it pundo ro price hike?
Eapnaag man ro krimen, korapsyon ag ilegal nga hilimuon, ano ro natabu.
Mahambae nga medyu mabuhay pa nga magapanerbisyo ro administrasyong marcos, apang kunta hay maisip naton nga masyadong madasig ro paniempo.
Indi naton mataeupangdan nga patapos eon ro an-um nga dag-on.
Kabay nga sa mga ginplastar nga bag-ong promisa hay eubusan eon nga makabangon ro Pilipinas ag indi nga mas pang maeugmok.
Kabay nga mag asenso eon ro tanan ag bukon it ro pila eamang.
