KALIBO, Aklan — Nagpangayo man it pasaylo ro content creator nga MJ vlog matapos nga makipagbaeayluhan it banat sa kaparehong vlogger nga si Ronnel Rovero Pelonio it Banga.
Personal nga nag-agto sa broadcast center it Bombo Kalibo ro nasambit nga vlogger kaibahan ro anang team agud nga magpangayo it pasaylo kasunod it insidente kun sa siin nag-trending ro andang mga videos.
Suno kana nga na-misenterpret eamang ro kaundan it andang vlog nga ginsakyan it iba rason nga matsa nagka-initan sa comment section ro taga banwa it Libacao ag Banga.
Dugang pa nga owa nanda gina-generalize ro ginhimo nga pag-bash sa vlogger nga si Ronnel ag sa anang kaibahan.
Para sa kasadyahan eamang sigon ro andang mga gina-obra nga vlog ag indi dapat nga seryosohon .
Nasayuran nga haeos daywang dag-on eon nga nagahimo it vlog ro grupo .
