-- ADVERTISEMENT --
KALIBO, AKLAN – – – Dead on arrival sa sangka pribadong ospital ro 21 anyos nga eaeaki matapos maaksidente ro gina manehong motorsiklo kabie.
Ro biktima hay gin kilaea kay Juillmart Ruiz Nobleza ag residente it Sampaguita St., Andagao, Kalibo.
Base sa report, natabo ro insidente matapos nga sumunggab ro gina maneho karang motorsiklo sa naga palikong tricycle sa may bahin it Cardinal Sin Ave. Andagao, Kalibo.
Nakaangkon sigon it grabeng lastro ro biktima sa anang eawas kun sa siin sa pagdaea kana it MDRRMO sa ospital, gin deklara raya nga DOA it attending physician.
Samtang, ro driver man it tricycle nga gin kilaea kay Vicente Geronimo hay una sa makaron sa paghinakop it Kalibo PNP Station para sa naga kaigong disposisyon.
