NATIONAL News — Nagtanyag si DILG Secretary Benhur Abalos it P10 milyong padya sa sin-o man nga makaturo ag magiging daean sa pagdakop sa fugitive televangelist nga si Apollo Quiboloy.
Magatau man si Abalos it tig-P1 milyong reward sa makaturo sa ginakahimtangan it kada tawuhan ni Quiboloy nga sanday Cresente Canada, Paulene Canada, Ingrid Canada, Sylvia Camanes ag Jackiely Roy.
Nauna eon nga nagpaguwa ro Davao Regional Trial Court ko April 3 it pag-aresto kay Quiboloy ag sa anang subordinates angot sa kasong pageabag sa Republic Act 7610, ukon Anti-Child Abuse Law ukon sangka probisyon it sexual abuse sa mga minors ag maltreatment.
Ko April 11, nagpaguwa man ro Pasig City court it warrant of arrest kontra kay Quiboloy bangud sa kasong qualified human trafficking nga sangka kasong owa it piyansa.
