KALIBO, Aklan – Sarado eun sa makaron ro pipilang mag lugar ag venues para sa preparasyon it Paris Olympics 2024.
Pahayag ni Ros Ricaforte Macahilig residente it Brgy. Taba-ao, Banga, Aklan – Bombo International Correspondent sa Paris, France sangka cleaner ag an-om nga dag-on eun sa nasambitan nga nasyon nga may mga ginakabig sanda nga Red Zone kun siin una pagahimuon ro opening ceremony sa July 26 sa kilid it suba, dugang pa ro mga Gray Zone nga mahimo agyan, Black Zone ag Blue Zone bilang bahin it mga restrictions.
Magastrikto man sigon ro mga otoridad sa oras it Olympics kun siin nga indi basta makasueod sa venue mag-euwas eun lang kun may ticket ukon residente sa nasambitan nga lugar.
Sa makaron pa eamang sigon hay ginapabueo eun sanda it QR codes.
Ginasaligan man ro punuan nga mga bookings sa mga hotels bangud sa dagsa it mga turista nga magapamantaw.
Presente eun man sigon sa lugar ro pila sa mga atletang Pinoy ukon mga delegado nga naga-ensayo.
Masayuran nga hiwaton man ro mga hampang sa eain-eain nga mga lugar rason nga may tagsa ruyon ka mga tickets.
