KALIBO, Aklan—Nagapati ro kampo ni Vice President Leni Robredo nga stress eon si Pangueong Rodrigo Duterte sa waea-tuo nga mga problema sa nasyon kasunod it pahayag nga maga-resign imaw sa pwesto.
Sa interview it Bombo Radyo, ginpahayag ni Atty. Emil Marañon III, legal consultant it Office of the Vice President nga makabig nga frustrating ro pabag-o bag-o nga pahayag it pangueo.
Balewala sigon sa bise presidente ro ginhambae ni Duterte nga magapanaog imaw sa pwesto kon ro magabueos kana hay kapareho nanday Senador Chiz Escudero ag dating Senador Ferdinand “Bongbong” Marcos Jr.
Sa pihak nga parte, ginpahayag ni Atty Marañon nga sa idaeaum it konstitusyon may kinamatarung ro sin-o man nga magtukod ukon magpabaskog it partidong pulitikal rason nga ginalikawan nanda nga mag-speculate sa matuod-tuod nga motibo ni Davao City Mayor Sara Duterte-Carpio sa pagtukod it anang partidong Hugpong ng Pagbabago ukon HNP.
Ginpahayag dugang nga owa nakabaehag sa konstitusyon ro ginatawag nga snap election rason nga imposibli raya nga matabu.
Engkaso suno kana nga may mabakante nga posisyon, dapat nga sundon ro order of succession.
