KALIBO, Aklan – Waea-tuo makaron ro pustaan it mga Pinoy sa Canada sa Game 5 sa nagapadayun nga NBA Finals it Warriors ag Raptors.
Sa report ni Bombo international correspondent Jerose Refol, ginhambae kara nga haeos naga-abot eon sa 100,000 dollars ro pustaan makaron para sa Raptors.
Suno kay Refol, kung magapusta it 60 dollars ag magdaog ro Raptors, raya hay magiging 100 dollars.
Dagdag pa kara, solid Raptors ro mga Pinoy sa Canada ag nagasalig sanda nga mapasa-alima it andang team ro kampeonato.
Samtang, mag-euwas sa pustaan, ginasaligan man ro pagtaas it presyo it mga tickets nga sa makaron hay naga-abot eon sa 16,000 dollars.
Mas mahae sigon ro presyo kara sa block market eabi eon makaron nga pagahiwaton sa home court it Raptors ro Game 5 gna posibleng makuhit eon ro kauna-unahang titulo umpisa kat mangin kaparte sanda it NBA.
