Bumuhos ro mga pinoy sa ginpatigayon nga meet and greet para kay Pangueong Ferdinand Bongbong Marcos, Jr. sa bahin it Zurich, Switzerland.
Suno kay bombo international correspondent Pinky Meier Papasin it nasambit nga nasyon nga haeos mapuno ro venue it event .
Ro pakikipagkita sa Filipino community sa Switzerland hay kaparte sa aktibidad it presidente sa Davos, Switzerland mag-eowas sa pagtambong nana sa World Economic Forum.
Ginpahayag ni Papasin nga kumpiyansa ro pangueo nga ro anang pagtambong sa world economic forum hay makatau it benepisyo sa mga pumueuyung pilipinhon eabi eon sa pag-umwad it nasyon hay pagtau it maabu nga trabaho.
Samtang, ginpasiguro man it pangueo nga sa idaeom it Department of migrant workers hay pagatutukan ro problema nga ginapaabot it kada OFW ag insigida man nga paga-aksyunan.
Ginkumpirma man nana nga maabu gid man ro delegasyon nga bitbit it presidente kaibahan ro aktres nga si Dawn Zulueta nga nauna eon nga ginbatikos.
Sa pihak nga parte, dismayado ro pilang pilipino sa pagka-gulo it mga nagtambong sa event sa ulihing parte it meet and greet .
Matsa bukon suno kana it organized ro aktibidad rason nga owa nakontrol ro mga tawo
