USA -Magabulig eon ro US investigators sa pagbagbag it pampasaherong eroplano sa South Korea nga ginkamatay it 179 katawo.
Suno kay Joo Joong-wan ro transport ministry official, nga andang habawi eon ro flight data ag cockpit voice recorder it nasambit nga eroplano.
Dikara masayuran ro pinaka-rason it aksidente nga ro insiyal hay bangud sa bird strike.
Magapabilin nga nakasara ro nasambit nga runway it paeuparan it hasta Enero 1.
Nagtambong eon man sa lugar it natabuan si South Korea acting president Choi Sang-mok kun sa siin ginsiguro kara nga andang ubrahon ro tanan nga makaya para mabuligan ro mga biktima.
Indi man maiwasan nga maakig ro mga pamilya it mga namatay nga biktima kun siin sanda hay nagtambong sa lugar ag ginkaakig ro mabuhay nga pagresponde it mga otoridad.
Bangud sa insidente hay nagdeklara ro gobyerno it South Korea it seven days of national mourning.
Matandaan nga ro Boeing 737-800 nga Jeju Air Flight 2216 nga halin sa Bangkok, Thailand hay bumagbag sa Muan airport matapos ro bird strike ag eain it panyempo.
Nagpangayo eon man it pagpasaylo ro Jeju Air sa mga pamilya it mga namatay nga biktima.
