KALIBO, Aklan — Bangkay eon kat makit-an nga naga-eutaw-eutaw sa suba ro sangka pitong dag-on nga ungang babaye matapos nga gina-alegar nga nadanlog ag maeumos sa suba nga sakop it Brgy. Rizal, Ibajay, bandang alas-3:30 it hapon it Huwebes.
Suno kay Merry Mariano, ina it biktima nga agahon eon it Biyernes nakita ro eawas it unga nga nagakueob sa tubi sa nasambit man nga lugar .
Ginpahayag dugang nga nagaduha-duha pa kunta imaw nga pasugtan nga magpaligos sa suba ro biktima, apang nag-insister raya nga kaibahan man nana ro anang tiyo ag iba pang kaigkampuran .
Matapos nga makita nga gina-eamig ro unga, ginpauli eon sigon raya it anang tiyo apang owa nanda napan-uhan nga uman nga nagbalik sa tubi .
Matapos masayuran nga naduea ro biktima, insigida sanda nga nagpangayo it bulig sa mga awtoridad agud nga mausoy ro unga, apang nagtaliwan ro gabi-i nga owa nanda raya nakita.
Aga-aga eon it Biyernes nakit-an nga naga-eutaw-eutaw eon nga bangkay ro unga.
Ginasugid nga nagbakasyon eamang ro unga sa nasambit ngta lugar.
