Kalibo Aklan ——-Ginpamatud-an it ama ag nobya it suspek nga si Rannie Vicente nga may kamatuoran ro anang mga pahayag angot sa anang ginahamtangan kat matabu ro pagbaril-patay sa 22 anyos nga si Nadynne Faith Medina ko biyernes it gabi-i sa Brgy. Andagao Kalibo.
Ro daywa hay nagbisita sa suspek nga presenteng nakakulong sa lock-up cell it Kalibo Police Station .
Suno kay Tatay Jose Vicente , ama it suspek nga masaligan ag mabuot nga klase it tawo ro anang unga .
Panganay sigon raya sa anang waeong ka unga .
Samtang, nagpanindugan man ro anang nobya nga nagpamalibad nga magpamitlang it pangaean nga inosente ro anang karelasyon sa ginapasibangud kana .
Magkaibahan sigon sanda ko Biyernes it agahon nga nag-agto sa Bulabud, Malinao gamit ro anang kotse nga kulay gray ag owa sanda naka-motorsiklo .
Mahipuson, mabinuligon ag mapinalanggaon sigon raya nga klase it tawo eabi eon sa mga unga ag mga kababayin-an .
Maskin suno kana ro anang mga nakaibahan sa Ibajay ag Caticlan nga nagkurae sa eugta it anang amo hay makapamatuod nga idtu ro anang presensiya.
Samtang, ginlaygayan sigon nana ro anang nobyo nga indi magpadaea-daea sa depresyon bangud nga masyado raya nga emosyunal kat anang bisitahon sa presuhan.
