KALIBO, Aklan — Masobra sa sang milyong pisos nga haega it kwarta ag mga kagamitan ro nadaeasa it manakaw nga nagsueod sa panimaeay it sangka kilaeang negosyante ag sangka FM station sa Kalibo, Aklan.
Nakadetine makaron sa Kalibo detention cell ro suspek nga nakilaeang si Homer Zapico, 26, construction worker ag residente it Brgy. Cawayan, New Washington, Aklan.
Gin paaresto raya it negosyanteng si Apolonio “Apol” Zaraspe III ag naga panag iya it gin sueod nga baeay bangud kahawig kara ro suspek nga naboe-an it CCTV footage.
Ro suspek hay nagatrabaho kay Zaraspe bilang stay-out nga construction worker.
Base sa report, bandang alas-3:00 kaina it kaaganhon kat madiskubre it biktima nga gin sueod ro anang panimaeay.
Insigida sigon nga napan-uhan kara nga owa eon ro anang sling bag nga may sueod nga relo nga naga balor it gina tantiyang P800,000, P100,000 nga cash money ag $4,500 dollars kamana man ro anang daywang maeahaeong cellphone ag branded nga kalibre .45 nga baril.
Samtang, todo pamalibad man ro suspek nga imaw ro nagpanakaw.
