KALIBO, Aklan–Plano it barangay council it andagao kalibo nga ipatawag ro mga pamatan-on kaibahan ro andang mga ginikanan nga gina-alegar nga nagatuga it perwisyo sa mga residente sa nasambit nga lugar.
Suno kay Punong Barangay Rocelyn Dela Rosa it Andagao, Kalibo nga pila sa pagkatawo ukon identity it ginareklamo nga mga pamatan-on hay natumod eon nanda.
Ginpahayag pa nga pirme man nga naga-roving ro anang mga tanod , apang ro problema hay nagadaeaeagan ro nasambit nga mga pamatan-on kon makit-an ro nagapaabot nanda nga patrol vehicle.
Maskin suno kana ro mga pulis hay naga-patrolya man sa lugar.
Angot kara, nag apela imaw it kooperasyon sa mga ginikanan nga bantayan ag disiplinahon ro andang mga inunga agud nga indi maging problema it komunidad.
