Kalibo, Aklan-Opisyal eon nga ginbuksan sa publiko ro Cardinal Jaime Sin Museum nga makit-an sa banwa it New Washington, Aklan.
Raya hay gin-inagurahan kadungan sa ika-96 anyso nga kaadlawan it Cardinal nga ginpatigayon it lokal nga gobyerno it New Washington, Diocese of Kalibo ag Serviam Foundation.
Ro nasambit nga museum hay kauna-unahang eklesyastikal nga museo sa Western Visayas nga magapakita it kabuhi ag pamana ni Cardinal Sin nga may importanteng papel sa 1986 Edsa People Power Revolution.
Ro museum hay bukas para sa tanan partikular sa pamatan-on agud nga matun-an ro leksyon nga gin-aywanan ni Cardinal Sin.
Sa naging diskurso ni Bishop Jose Corazon Talaoc, Archbishop it Diocese of Kalibo, gindumdom kara ro naging kontribusyon it Cardinal sa kasaysayan it nasyon.
Eubus man ro anang pagpasaeamat sa Serviam Foundation sa kumpyansa nga gintao kanda agud nga mabilog ro nasambit nga proyekto eabi eon ag ro mismong museum hay dating baeay ni Cardinal Sin.
