KALIBO, Aklan—Nagapabilin nga malinong ag matawhay ro ika an-om nga adlaw it weeklong celebration it Kalibo Sr. Sto. Niño Ati-Atihan Festival 2025.
Suno kay P/Lt. Sally Bretania, tagapaghambae it Kalibo Municipal Police Station, raya ro naging initial assessment it Kalibo Ati-Atihan Site Task Group 2025 nga ginakomponeran it kapin sa 2,600 PNP personnel ag iba pang force multipliers.
Ginpahayag dugang ni Bretania nga uwa it nailista nga major crime incident sa first and secondary festival zone area mag-eowas eon lang sa pila ka mga indi malikawan nga petty crimes kaparehas it panakawan, rambolan ag iba pang mga ginparecord nga insidente.
Nagaeaum ro kapulisan nga magapadayon ro makaraya nga assessment hasta sa matapos ro selebrasyon makaron nga adlaw it dominggo.
Nasayuran nga maskin siin ka umadto sa bilog nga banwa it Kalibo hay may police visibility agud nga masiguro ro seguridad ag kaeowasan it mga merrymakers, deboto, turista ag iba pang nagapasakop sa nasambit nga okasyon.
