Pagahueaton anay ni Pangueong Ferdinand Marcos Jr. ro committee report angot sa ginasuhestyon nga mga tikang nga nagatuyong taw-an imaw it emergency powers para buhinan ro excise tax sa oil products sa tunga it nagapadayon ag nagabaskog nga tensyon sa Middle East antes nana raya sertipikahan bilang urgent.
Una kara, ginpahayag ni Presidential Communications Office (PCO) Undersecretary ag Palace Press Officer Claire Castro nga ginpadaea eon ni Pangueong Marcos sa Kongreso ro formal request para taw-an imaw it emergency powers.
Tuyo it emergency powers nga buhinan ro excise tax sa produktong petrolyo kasunod it nagalala nga giyera sa Middle East.
Suno kay Castro, ro Department of Energy (DOE) ro nagsumite it hinyo sa Kongreso sa ngaean it Presidente.
