KALIBO, Aklan—Ginasapinal eon it commission on elections ukon Comelec-Kalibo ro andang schedule para sa pagpatigayon it “roadshow” sa pagagamiton nga bag-ong Automated Counting Machines (ACMs) sa maabot nga eleksyon sa Mayo 2025.
Suno kay Atty. Christian Itulid, Comelec Election Officer IV it Comelec-kalibo nga gintaw-an sanda it central office it hasta sa enero 2025 agud nga matapos ro serye it demonstration sa mga kabarangayan kon paalin nga gamiton ro makina.
Posible suno kana nga umpisahan nanda ro aktibidad sa buean it nobyembre .
Gintaw-an eamang sigon sanda it tatlong buean para ipakita sa mga botante ro paggamit it makina bangud nga kinahangean nga maibalik ro makina sa central office antes ro buean it pebrero .
Dugang pa ni Atty. Itulid nga tuyo it roadshow nga mabuligan ro mga botante nga masanay ag maging pamilyar sa mga bag-ong voting machines.
Madumduman nga halin sa smartmatic hay nagbaylo ro komisyon it service provider nga Miru Systems.
