KALIBO, Aklan—Uman nga nakalista it daywang panibag-ong kumpirmadong kaso it coronavirus disease ukon covid-19 sa probinsya it Aklan.
Bangud kara, may kabilugan eun nga 30 nga kumpirmadong kaso it nasambit nga sakit ro nailista it Aklan Provincial Health Office.
Suno kay Dr. Cornelio Cuatchon Jr. it Provincial Health Office ukon PHO Aklan nga ro daywang panibag-o nga kaso hay ginakaeakipan it sangka 44 anyos nga eaeaki maghalin sa banwa it Malinao ag ginakabig nga authorize person outside the residence ukon APOR.
Ko Agosto 20 hay nag-uli raya sa banwa it Malinao.
Gin-monitor it mga katapo it Barangay Health and Emergency Response Team (BHERT’s) ag ginpaidaeum sa real time reverse transciption polymerase chain raction (RT-PCR) test kon sa siin nagpositibo ro resulta kara.
Makarun hay naka-facility quarantine raya sa aklan training center.
Samtang ro case number 30 man hay sangka 58 anyos nga babaye maghalin sa banwa it Malay.
Nagpadueong sa Iloilo ko August 14 agud magpa check up bangud sa ginabatyag nga gall stone.
Antes nga operahan sa sakit hay ginpaidaeum sa RT-PCR test ag nagguwa sa resulta nga raya hay positibo sa Covid-19.
Sa makarun hay may una eun lang nga limang aktibong kaso it nasambitan nga sakit sa probinsya it Aklan.
