Ginlaygayan ni Pope Francis si dating Senate President Juan Miguel “Migz” Zubiri nga ‘protect the family’.
Nag-adto ro dating Senate President sa Vatican ko Hunyo 5 kon sa siin idto imaw sa Europa para magbakasyon halin sa pulitika ag magtaeana it oras kaibahan ro anang pamilya.
Ginpakilaea ni Zubiri sa Santo Papa ro anang pamilya ag nagbaton it basbas halin sa 87-anyos nga pontiff.
Ro anang pagpahuway hay kasunod it pagkakas kana bilang lider it senado kon sa siin nakabuoe imaw it boto nga 15 sa 24 nga mga senador.
Ginpakigbahin ni Zubiri ro laygay kana it Santo Papa matapos kara nga ginpaathag nga imaw hay “pro-life and pro-family legislator” halin sa Pilipinas.
Ginpahayag it senador nga maskin bukas sa diskusyon, nagapabilin nga bilog ro anang pagpati sa bisa it kasae.
Samtang, hantop sa tagipusuon sigon nana nga sundon ro panugyan kana it Santo Papa.
